Patick блогы

Үміт жоқ!

patick — Mon, 22 Aug 2011 04:48:35 +0000

Қазақтардың өзін-өзі жою үрдісінің эволюциялық тұрғыдан жоғары деңгейде келе жатқанын ескеріп, үмітті шайтанға ұстаттым да, блогтың бәрін наққа жібердім. Енді келем бе, келмейм бе – өзім де білмейм. Аман бол, Әщөк. Арақты көп іше берме, аз да ішпе…

Харакири жасайтын да уақыт жеткен сияқты, икебанасынссс. Кетіңдер, нақ!

Әщөктің өмірден тіккендері

patick — Fri, 06 May 2011 06:13:03 +0000

Әщөк көршім өлгелі жүрген шалдар құсап, философияға бет алыпты. Өмірден көрген-түйгендерін әжетхана қағазына сүртіп, тойыс түртіп жүр екен. Соның үйіндегі әжетханада отырғанда оқығандарым:

“Банкоматтың чегімен артыңды сүрткен ыңғайсыз екен”.
“Супермаркеттің чегімен де сүрткен ыңғайсыз”.
“Баклашкі дегенім – пластикалық бөтелке екен, пластикалық бөтелке дегенім – құман екен”.
“Итің қабаған болса үйіңе кіре алмайсың, итің жуас болса сыртқа шыға алмайсың – Гарик зайбалыңды шығарады”.
“8 702 323 85 96 Зуля(соска)”.
“Өнер алды қызыл тіл. Өнер кімді алды? Ол қызыл тілді алды. Өнер, қызыл тілді қайтарып бер”.
“Мысығың семіз болса – пақаның балықшы деген сөз”.
“Сыра деген – пибі екен, пибі дегенім – тошны “Шымкентское” емес. “Шымкентское” – есектің сідігі”.
“Ішім-ай, ішім”.

Еріксіз, тәліб Әщөк-ай дедім. Басқа не дейін, шаруамды аяқтап болып, тұрып жатыр едім.

Өте-өте әміркандық мистика

patick — Tue, 05 Apr 2011 06:14:11 +0000

Олар қала сыртындағы жалғыз тұрған үйге көшіп келді. Он шақты бөлмеден тұратын алып баспанада енді тек төртеуі ғана тұратын болады. Қаладағы қиын өмірлерін артта қалдырып, әдемі сарайдың иелері атанып шыға келді. Жанұя мүшелерінің қуанышында шек жоқ. Үлкен қызы Дженни өзіне қай бөлмені таңдарын білмей, әрлі-берлі зыр қағып жүр. Кішкентай қызы Джулия үйдің бұрынғы тұрғындарынан қалған ескі қуыршақтармен ойнап отыр. Жаңа ойыншықтар тапқанына ол да мәз. Отағасы Майкл мен әйелі Клара есік алдында жаңа баспаналарына сүйсініп, құшақтасқан күйі тамсана әлденелерді айтып тұр.

Ертесіне риэлтор мен үйдің бұрынғы иесі Джон келді. Жаңа тұрғындардың соңғы шешімдерін білмек. Ал отбасы үйді көрген күні-ақ шешіп қойған: «Үй біздікі! Аламыз!». Қонақтар тағы бір рет үйді аралап, оның бұрынғы иесі Джон осы жерде тұрған кездегі өмірінен аздап сыр шертті:

— Қандай бақытты отбасы болып едік. Мына бөлмеде қарындасым Сара тұратын. Ал мына бөлме қонақтарға арналған қосымша жатын бөлмесі болды. Ал мынау бөлме…

Джон күмілжіп қалды. Әлденені есіне алғандай, демі жиілеп, жұтына берді. Отағасы әйеліне су алып келуді тапсырды да, Джонға қарап:

— Джон, Джон, сізге не болды? Бәрі дұрыс па? – деп сұрады. Джон:
— Жәй демікпем бар еді – деді де, қалтасынан аузында шүмегі бар пластикалық құтыны шығарып, аузына апарып «пыст» еткізді. Сосын отағасына қарап зорлана жымиды.

Ыңғайсыз сәтті сейілтпек болып, отағасы әңгімені басқа арнаға бұрды:
— Джон, қазір отбасыңыз қайда? Көшіп кетуге не себеп болды? – деп сұрады. Джонның жанары жер шұқыды.
— Ол… Олар енді жоқ, — деді ол.
Тағы да ыңғайсыз жағдайға тап болған отағасы:
— Оууу, ам сорри! – деп аяныш білдірген дауыспен басын шайқады.

Көп кешікпей тамақ та дайын болды. Бәрі көңілдене үстел маңына жайғасты. Күлімсіреп ас қамдап жүрген Клара Дженниге бұрылып:

— Қымбаттым, Джулияны да шақыр – деді.
— Джулия қайда еді? – деп қарсы сұрақ қойды Дженни.
— Жоғарыда ойнап жүрген еді, барып алып келе ғой, жаным, — деді Дженни.
— Қазір, мама!

Дженни ағаш баспалдақпен ойнақтай жүгіріп жоғары көтерілді. «Джулия! Джулия! Қайдасың?» деп айқайлап келеді. Үш жасар Джулия табылмады. Дженни бөлмелерді кезекпен ашып қарай бастады.

— Джулия? – деп бірінші есікті ашты. Ешкім жоқ.
— Джулия? – деп екінші есікті ашты. Онда да ешкім жоқ.
— Джулия, сен қайдасың? – деп үшінші есіктің тұтқасына қол соза беріп еді, бөлменің ішінен сықылықтап күлген дыбыс естілді.
— Ә, мында екенсің ғой – деп қуанып кеткен Джулия есікті аша беріп еді:
— Жоқ! – деп артынан айқайлаған дыбыс естілді. Джон екен. Кішкентай Джулияны көтеріп тұр. – Жоқ. Ол есікті ашпа. Ешқашан!

Арада бір апта өтті. Жақын маңдағы қаладан (таун?) азық-түлік алып келмек болып Майкл мен Клара жол жүріп кетті. Үйде қыздары ғана қалды. Джулия былдырлап ескі қуыршақтармен ойнап отыр. Дженни теледидар көріп отырып мүлгіп кетті. Бір мезгілде тақтайы көнерген еденнің сықырлаған дыбысы естілді. Темір табан етікпен біреу жоғарғы қабатта жүрген сияқты. Дженни орнынан тұрып, тағы да үйді аралай бастады:

— Хеллоу? Кім бар мұнда? Дәд? Мамми? Джулия, бұл сен ба?

Дженни есіктерді тағы да ашып қарай бастады. Бірінші бөлменің есігін ашты. Ешкім жоқ. Екінші бөлменің есігін ашты. Онда да ешкім жоқ. Үшінші есікке таяды. Ашуға батылы жетпей біраз тұрды. Ақыры көрермендерін зарықтырғанын білген соң, есіктің тұтқасына қол созды. Тұтқаны ұстап, тағы тұрды. Бұл жерде енді Әщөктің шыдамы таусылып кетті де:

— Өй, ептібаймат, ашсайш есікті! – деп айқайлап жіберді.

Үй ішіндегі адамдардың бәрі селк етті. Әщөк жарықты қосты да:

— Кәне, әжетханаға кім барғысы келеді? – деп ыржалақтап сыртты нұсқады. Сыртта түнгі сағат бірдің шамасы болатын. Әрине ешкім барғысы келмейді. Бәріміз қуықтарын ұстаған күйі ұйқыға кеттік, голливудынсстың.

Тайм-кипер

patick — Thu, 24 Mar 2011 03:49:19 +0000

Блогкемп, құрылтай. 201 аудитория. Тайм-кипер болып тұрған маған Асхат жүгіріп келіп:

- Patick, басқа аудиторияларда тайм-кипер қалмады. Сенің қыздарың забастовка жасап жатыр, наққа жібергенің үшін ренжулі, – деп айқайлады.

Оянып кетсем, түсім екен. Ең болмаса, түсіме тыным берсеңдерш )))))))))))))

Иттердің мәдениеті

patick — Fri, 18 Mar 2011 04:49:53 +0000

Херметті, иттер және олардың үй хайуанаттары! Өтініш: көгалды бүлдірмеңдерші! Ваня ағайды аясаңдаршы, жұмыстан “шаршап” келе жатқанда, үйіне жете алмай қалса көгалдың үстіне жантая кететін еді. Бірақ, соңғы уақытта “шаршауға” құлқы болмай жүр. Өйткені, көгалдың үстіне иттер мен олардың үй хайуанаттары әжеттерін өтеп кетеді.

Көгалқырыққышы бар көгал қырқушы – Байболды да ойлау керек! Осымен үш рет агрегатын сындырды. Себеп: тастай болып қатып қалған үй хайуанаттарының құмалақтары. Үш рет еңбекақыдан айырылды. Өйткені, жұмыс беруші көгалқырыққыш шақ келтірмейсің деп сынған құралдың ақысын өндіріп алып жүр.

Балалардың да хәлі мүшкіл. Ойнайтын жер жоқ. Құмда алқаш ағалар үстемдік ете бастаған соң, көгалға кетіп еді. Бірақ ол жерді иттер тартып алды. Енді, көгалдан қашып, құм төгілген алаңға қайтып келуге мәжбүр болды. Бірақ ол территорияны енді мысықтар өз бақылауларына алған екен.

Клара апай да жұмыссыз қалды. Бұрын подъезді иттердің тезегінен тазалап күн көшетін. Иттер мәдениетке көшіп, тек қана әдемілеп қырқылған газонға әжет өтейтін болған соң, подъездер тап-таза. Есесіне, тазалаушы адамның да қажеті жоқ.

Ким ағаға қиын болып жүр. Соғымсыз қалды. Бұрын есігінің алдына төселген кілемшені бүлдіріп кететін иттердің етімен күн көретін. Қазір кілемшені бүлдіретін мәмбет ит қалмады.

Бірінші қабатта тұратын жалғыз басты Клавдия әжейге (жалғыз басты әжелер басқа қай қабатта тұрушы еді ) де қиын болып жүр. Подъездегі тезектерді көріп, көршілеріне ұрыс шығаратын. Сөйтіп уақыт өткізетін еді ғой, шіркін. Бірақ, қазір айқай-шуға себеп жоқ. Себеп: әдемі газон.

Бүйткен өркениетің құрысын, нақтар.

Намыс та, ұят та жоқ

patick — Thu, 10 Mar 2011 03:45:25 +0000

Қазақтар өз ана тілдерін қорлағандарымен қоймай, орыс тіліне де орасан нұқсан келтіріп жатыр. Ала-құла сөйлеп, не айтқандарын өзге түгіл, өздері түсіне алмай қалатын жағдайға жетті. “Сотка”, “домашка”, “оплотить”, “звонит” (екпінді “о” әрпіне түсіріп), т.б. сөздерді ойлап тапқан . Құсқың келеді. Ұят та, намыс та жоқ. Ең болмаса, өзгені сыйласаңдарш. Сөйлей алмайсыңдар ма, тып-тыныш қазақша сөйлеп жүре беріңдер. Қайдан?! Сөйлеп білмесе де, орысша тілін сындырып тұрады, нақтар.

Әр нәрсенің шегі болады ғой, қазақтар. Осылай жүре бересіңдер ме? Орысша разговаривать еткенде не шықты? Рога өсіп шықса маған скажите, мен де орысша разговор жүргізейін.

Классика

patick — Mon, 28 Feb 2011 03:40:02 +0000

- Қанша?

- Классика – 1 сағатқа 3 мың, ыс менетом – 3500.

“Классика деген сөздің мағынасын білесің бе?” деп сұрағың келіп кетеді. Пәлсапасынссс. Бірақ сұрамайсың, өйткені мен білемін: оның ұғымында классика – жыныстың қызметтің ең қарапайым түрі. Ал сен классиканы қалай түсінесің?

Көшедегі мамботтар

patick — Thu, 17 Feb 2011 03:54:36 +0000

Мамбот десем тағы ренжисіңдер. Әңгіме көшедегі жаяу мамботтар жайында. Өзгені білмейм, жалпы өз басым көшеде өздерін ұстай білмейтіндерді сондай категорияға жатқызам. Оларды өзге ибалы адамдардан қалай ажыратамыз? Басты белгілері мыналар:

1. Тротуардың бойында келе жатып қақырып-түкіреді.
2. Өзге жаяу жүргіншілердің көзінше сіңбіреді.
3. Қолындағы қоқысын кез-келген жерге лақтыра салады.

Мамбот оқырманның көңіліне тисе, кешірім сұрамаймын. Есіңе сақта: Мамботтық пен ибалық арасын бөліп тұрған жоғарыдағы үш пункт.

Ойын ойнап еріксең

patick — Mon, 24 Jan 2011 17:44:45 +0000

Ойынды қызыққаннан емес, еріккеннен ойнайтын адамдар үшін. Бұл жерде компьютерлік ойындар туралы айтылып отыр. Атың өшкірдің, босқа жүргенше вандализммен де айналысуға болады. Мысалы, былайша:
(Үлкейту үшін үстінен теп)

Енді оны жасау жолын көрсетейін. Қолыңдағы қарумен қабырғаны өрнектеп атасың. Болды, нақ!
Айтпақшы, автоматтың оғы шашырамай дәл теседі. Пистолет, обрез сияқты қарулардың оқтары бытырай үшады, сондықтан өнер туындысына нұқсан келтіруің мүмкін.

Ішке сәт. Сау бола тұрыңдар, әзірге. Осы кеңес пайдаларыңа аспай қалсын.

Қорытынды 2010

patick — Thu, 30 Dec 2010 06:00:31 +0000

Биыл, жасыратыны жоқ, талай қызықты оқиға болды.
Ең бір басты жаңалықтардың бірі – интернетте сөйлесіп жүрген біршама адамдармен таныстым. Аршат, Ерлан Оспан, Омар брат секілді амиголармен бір дастарханда бас қосудың жолы түсті. Блогер ұл-қыздармен бірқатар мейрамдарды қарсы алып, талай рет кездесіп, көңіл көтердік.
Екінші бір жағымды жаңалық – осы блогтың ашылуы. Бұрын, аннан мында секіріп тұрақсыз жүретінмін. Содан кейін, осы блог отырықшылық саясатын ұстануыма жол ашты. Тіпті, біреулер мені блогерлер санатына жатқызатын болыпты (ұялған 3D смайл). Сонымен, қысқа да нұсқа:
1. Жылдың ең үздік басқосуы: Жаздағы кездесуліктердің жиыны.
2. Жылдың ең үздік сусыны: “Балтика” сырасы.
3. Жылдың ең үздік тағамы: Әйелім жасаған торт.
4. Жылдың ең үздік тіскебасары: кептірілген Қаракөз балығы.
5. Жылдың ең үздік көлігі: 99-шы бағыттағы автобус.
6. Жылдың ең үздік топасы: 99-шы бағыттағы автобустың экипажы.
7. Жылдың ең ұзақ сапары: Алматыдан Атырау облысына жол жүру. Үш күн Атырауға дейін, және кері бағытта тағы үш күн. Барлығы 6 күн жол үстінде пойызбен.
8. Жылдың ең үлкен шығыны: Оқу ақысы (тссыгиндерің беріп жатқан білімі жоқ, есесіне атасының құнын сұрайды).
9. Жылдың ең үздік өсегі: Сатыбалды – Аршаттың, Нұрберген Мақымның, Патиктің біріктірілген образы екен.
10. Жылдың ең үздік кітабы: @abilakim Таразұлы, “Көңілімнің тауығы”, таңдамалы өлеңдер жинағы. “Хулизаман” баспасы, 2010 жыл.
11. Жылдың ең үздік киносы: Lost, әсіресе “Ақырғы сезоны”.
12. Жылдың ең үздік әні: 0
13. Жылдың ең үздік сайты: http://kezdesu.com/
14. Жылдың ең үздік лақтыруы: Досым әуежайдан күтіп ал деп хабарласты. Белгіленген уақытта әуежайға кетіп бара жатып, досыма хабарлассам: “Мен үйдемін, жолға шықпай қалдым”-дейді.
15. Жылдың ең үлкен қорқынышы: Аяғымды оқыс қайырып алып, қатты аурулық (болевой) шок алдым. Ана жаққа жүріп кететін шығармын деп ойлағам, аман қалдым
16. Жылдың ең түсініксіз оқиғасы: Біреу өте бағалы сыйлық сыйлады, бірақ оны қалай сатып алғанын біле алмадым. Өйткені, оның сонша бағалы бұйымды алуға шамасы келмес еді.
17. Жылдың ең пайдалы сыйлығы: Сыртқы хард диск (файлдарды ноутбугыма сыйғыза алмай жүргем).
18. Жылдың ең үздік қауышуы: Оныншы сыныптан бері көрмеген досымды қайта кездестіру.
19. Жылдың ең үздік ауышуы: Биыл шеккен жоқпын.
20. Жылдың ең үздік оқиғасы: Менің үйлену тойым, туаймайттың

Биылғы жыл осылай ерекшеленді. Келесі жыл бұдан да жақсы қуаныштар әкелсін деп тілейік. Биыл аса үлкен қайғылы, не жағымсыз оқиғалар болған жоқ. Солай бола берсін!
Сөзімді аяқтай келе, менің сөз кезегін ешкімге бермеймін. Өйткені, ешкімнен сөз алған жоқпын. Сау болыңдар. Келесі жылда кездескенше!